Outros deportes

Atletismo

Baloncesto

          A S.A.R., fundada no 1963, tivo nos seus inicios equipo de mini basquet. Nos 90 formouse o Clube de Baloncesto Redondela (C.B.R.), pero a falta de axudas por parte do concello levou á súa desaparición, pasando algúns dos seus compoñentes a xogar no Arcade.

Billar

Bolos Celtas

            Nos anos 30, tanto en Redondela como no veciño concello de Soutomaior, onde se segue a practicar, celebrábanse campionatos dominicais de ámbito comarcal que sempre remataban cunha pequena festa. Eran organizadas por iniciativa particular como a organizada en agosto de 1933 en Ventoselade por David López González, industrial desta parroquia. Participaron equipos de Cesantes, Reboreda, Quintela,Ventosela e O Viso , mais gañou o único equipo fóráneo, o Soutomaior.  

Na parroquia de  Reboreda existía nun torreiro, entre bancos e xardíns, un lugar disposto para a práctica deste deporte tradicional. O “Cruceiro do Campo dos Bolos” danos unha idea da ubicación do terreo de xogo.

Boxeo

            En marzo de 1930 celebrouse unha velada no Círculo Mercantil de Redondela a prol das familias duns naúfragos de Bouzas, loitando César Campuzano Sanz (olímpico en Amsterdam 1928) e Edelmiro Morales “Cañoto” (Vigo, Campión de España 1930).

Despois da Guerra Civil, Redondela contaba cun local chamado “El Coreano” onde se adestraban os boxeadores da vila: Paco Piriquito, Fontán... Estaba situado no baixo da rúa Calexón de Don Basilio (ata o2008 pertencía á rúa Prata), ocupado hoxe polo Pub Mambo, anteriormente Pub Venus.

Futbol Sala

En Futbol Sala dispoñemos dos equipos federados Arealonga F.S. Chapela (creado no 2003) e o  F. S. Redondela, que nos anos noventa chegou a xogar na Nacional A, despois descendería dúas categorías para consolidarse logo na Nacional B.

Antes da formación destes equipos destacaron Javier Pazos Docampo (Vierichi) e o porteiro Ernesto González González (Nesto) que xogaron na División de Plata co Rías Baixas de Pontevedra. Ademáis, Nesto gañou o Campeonato de España en 1997 coa selección galega, sendo considerado Mellor Porteiro Español do ano. Logo acadaría o ascenso a División de Honra co Rías Baixas pero ese mesmo ano decidiu retirarse.

A nivel feminino, o F.S. Redondela foi o primeiro equipo federado da vila. Na actualidade existe tamén o Centro Recreativo Cultural de Redondela, gañador no 2008 da Compostela Cup e o Arealonga F.S. Chapela, que gañou a liga local de Vigo 2005-06. Anteriormente á creación destes equipos, a única xogadora que xogou en equipos federados foi Mariló.

Xogou na División de Honra:

Marcos Ferreira: xogou varias tempadas co Rías Baixas de Pontevedra na División de Honra.

Hockey Herba.

O 26 de marzo de 1959 disputouse no Campo de Santa Mariña un partido de 2ª división entre o Alerta de Vigo e o Almirante de Burgos, con resultado de 9-0. (NOTA: Non sei se atoparían a herba).

Hockei Patíns.

              Durante uns anos, a S.A.R. tamén tivo equipo de hockey sobre patíns. Os partidos, coma os de balonmán, xogábanse na pista da Xunqueira. Atopei que en 1969 a SAR enfrontábase ó Laincobre na 2ª eliminatoria da Copa del Generalísimo. Entre os seus xogadores estaban: José María Álvarez e José Gunche.

Loita libre.

Nos seus inicios a S.A.R., fundada no 1963, tivo equipo de loita libre.

Kung Fu (Wu Shu)

Pablo Ortega Álvarez. Modalidade Combate 80-85 kg.

• Campionato de España. 8 veces 1º e 2 veces 2º.
• Campionato de Europa.  2  veces 2º.
• Campionato do Mundo. Un 3º posto en 1997 en Roma e un 5º posto.

Maestro Nacional desta modalidade, entrenador da selección galega e da española. Membro da Comisión Nacional de Wu Shu. Árbitro nacional e europeo. Ademáis é cinturón marrón de Taekwondo.

Xunto á atleta Nogueira, foi o encargado de conducir a antorcha olímpica de Barcelona’92 por Redondela.

Na actualidade (2008), dirixe un clube en Arcade porque o Concello de Soutomaior dalle as axudas que non recibiu por parte do Concello de Redondela.

Jose Luis Rodríguez Veiga. Modalidade Combate.

• Campionato de España. 7 veces 1º e 1 vez 2º.
• 3º no Campionato de Europa.
• 5º no Campionato do Mundo de Malasia.

Maestro e árbitro nacional, dirixiu durante varios anos o ximnasio Jo-Con en Redondela.

Motociclismo

                   O Motoclube Redondela encargouse de organizar no ano 199? unha proba do Campionato de España. Os afeccionados poderon observar a gran demostración do campión mundial Jordi Tarrés.

Motos de Auga e Embarcacións Neumáticas.

            Na modalidade de embarcacións PR-550, Juan Carlos Solla e Jose David Álvarez acadaron o 2º posto no Campionato Mundial do 2007 e, no 2008, gañaron o Campionato Galego.

Paracaidismo.

Petanca

             Hai dous equipos de petanca un en Redondela e outro en Vilar. Este último, leva anos entre a 1ª e a 2ª división.

Ping Pong

Remo

            No 1963 fórmase a S. A. R., que o pouco tempo formaría un equipo de remo.

Tenis

           Nos anos 40, dada a carencia de campo de xogo, algúns xogadores adestraban en lugares insólitos para logo competir fóra da vila. No 1963 fúndase a S.A.R., clube que formou o primeiro equipo de tenis de Redondela.

Tiro con Arco

Tiro ó prato

             A S.A.R., fundada no 1963, contaba con equipo de tiro ó prato. Ata os anos oitenta funcionaban, á carón do campo de futbol de Reboreda,  unhas instalacións de tiro ó prato. 

Vela

Voleibol

                    Nos oitenta formouse un equipo de volei pero a desidia da corporación municipal, unha vez mais, acabou co proxecto.

Wind Surf

            A Enseada de San Simón é ideal para a práctica deste deporte. Xa se disputaron varias probas nela.

Xadrez

         Nos anos 40 o C. D. Redondela tiña equipo nesta disciplina. No 1963, fúndase a S.A.R. recollendo o relevo. Actualmente contamos co equipo do Centro Recreativo e Cultural de Redondela.

Subir