Natación e waterpolo.

José Bernardo Núñez (Colón).

Máis tarde, o Club Deportivo Redondela, creado en 1944, acadaría o Campionato de Galicia de 1946. Tamén contaba con equipo en categoría infantil. Nestes tempos seguíase a practicar a natación no mesmo lugar pero o waterpolo, pola pouca profundidade, pasou a xogarse no lugar coñecido como “o Pozo”, que estaría ubicado onde na actualidade se atopan as vellas casas dos mestres.

No Campionato Galego de Natación de 1947 este equipo acadaría o 3º posto e o 1º en infantiles, categoría na que se bate o record galego de 4x100 con 5’13 e na que destacou González 1º en 100 espalda. Hai que destacar que competía con equipos de Vigo e A Coruña as dúas grandes cidades galegas. En maiores destacou José Bernardo Núñez (Colón) de Cesantes 2º en 100 m. libres con 1’8’’ e en 400 m. libres con 5’40’’, nas dúas ocasións foi vencido pola figura viguesa Alejandro Febrero. En agosto dese mesmo ano e con tan só 16 anos, Bernardo acadaría o título de Campión Nacional de 400m. e o Subcampionato en 100m. libres. Colón foi o mellor nadador redondelán do seu tempo, acadando numerosos campionatos rexionais e nacionais e gañando varias veces a Travesía Vigo-Cangas. No seu comedor tiña máis de 70 copas. Participaba tamén no equipo de waterpolo. A súa irmá María Fernanda (Tata) acadou a victoria en varios campionatos rexionais. Outros nadadores destacados naquela época serían Alberto Barreiro, Pirulo ou Paco Piriquito que tamén practicaba o boxeo.

Coa desaparición deste clube a principios dos anos 50 e o posterior recheo da Marisma estes deportes deixaron de practicarse na vila. Moitos seguiron nadando pero o maior poblema co que se atopaban era que, como non había equipo, para competir tiñan que entrar no Clube Naútico de Vigo e non todos podían pagar o autobus para ir a Vigo tódalas semanas.

No 1963 fúndase a S.A.R. con equipo de natación. A seguinte noticia que atopei ata o de agora data do 31-8-1970 na que nadadores do C. N. Redondela participan na XXXIII Travesía a la Ensenada de San Almagro en A Coruña, xunto ós equipos C. N. Pueblo Nuevo de Barcelona, Canoe de Madrid, C. N. Coruña, R. C. N. de Vigo e C. N. Tenerife.