Política.

Javier Alfaya. Foto: Ver enlace

Ulpiano Alfaya Rodríguez, Francisco Javier (Redondela 31-6-1956)

Emigrou a Brasil en 1963 con tan só 7 anos. Estudou Arquitectura na Universidade Federal da Bahia-UFBA. Cursa mestrado en História e Teoria da Arte, Escola de Belas Artes, UFBA. Presidente do Diretório Acadêmico de Arquitetura, 1977, secretario xeneral e presidente do Diretório Central dos Estudantes-DCE, UFBA, 1979. Diretor de Cultura da União Nacional dos Estudantes-UNE, 1980 e presidente, UNE, 1981-1982.  Xefe do departamento de Assessoria Parlamentar da Assembléia Legislativa da Bahia (1986-87). Suplente do deputado estadual polo Partido Comunista do Brasil-PCdoB, 1987-1991. Elexido vereador (concelleiro) en Salvador, 1989-1992, reelexido en 1993-1996, 1997-2000 e 2001-2004, renunciou no 2003. Suplente de deputado federal, 1999-2003. Deputado estadual por Bahía, 2003-2007; reelexido en 2007-2011. 

http://www.al.ba.gov.br/v2/biografia.cfm?varCodigo=24
http://www.mme.org.br/

Foto: Arquivo Alén Nós

Amoedo Seoane, Juan

Xa aparece como avogado nunha lista do xuzgado de Vigo de 1932. Máis tarde sería decano do Colexio de Avogados de Vigo. É unha das figuras principais do agrarismo galego de princípios do século XX. Participou activamente nos movimentos antiforais.

Rogelio Martínez. Foto Ver enlace.

Martínez Barreiro, Rogelio (Redondela 1923)

Tivo que exiliarse no 1941, sendo aínda adolescente, estableceuse en Uruguai despois de pasar por Francia e Arxentina. En Montevideo reencontrouse co seu pai, mariñeiro que no 1936 se atopaba fóra de España, negándose a voltar pola súa ideoloxía Republicana. Pasou por diferentes traballos ata conseguir o título de maquinista naval co que puido empregarse nun pesqueiro. Foi membro do comité central do partido Comunista uruguaio. Publicou en España unha crónica en tres tomos sobre o exilio español en Uruguai: “Los exiliados españoles en Uruguay”. Ed. Endymion ISBN: 978-84-7731-450-9

http://www.elpais.com.uy/07/10/20/pciuda_309323.asp

Foto: Red. crónica dun tempo pasado.

Otero Fernández, Alejandro (Redondela 14-12-1888 / México26-6-1953)

Médico xinecólogo, profesor desta especialidade na Universidad Central de Madrid. Despois seía catedrático de Obstetricia na Universidade de Granada, da que sería nomeado rector o  29 de novembro de 1932. Socialista e membro da UGT foi Concelleiro na cidade de Granada, Deputado a Cortes por Granada e Pontevedra (1931)  e Subsecretario de Armamento durante a Guerra Civil. Exiliouse a Francia, onde formará parte do Servicio de Evacuación de Refugiados Españoles (SERE), e México,  onde se convertiu no Xefe do Servicio de Xinecoloxía do Hospital Español e foi membro fundador da Sociedade Mexicana de Obstetricia e Xinecoloxía, da Unión de Profesores Universitarios Españoles no Extranxeiro e un dos médicos da Casa Presidencial mexicana. En canto á súa actividade política foi vicepresidente do Partido Socialista en México. Ofrecéronlle voltar a España, ó que se negou mentres gobernara Franco. Faleceu en 1953, ó ano seguinte os seus restos serían trasladados ó cemiterio dos Eidos. A principios dos anos 30 púxoselle o seu nome a unha rúa en Redondela, a actual rúa Reveriano Soutullo.

Visita de Castelar a Juan Manuel Pereira Foto Arquivo Orge Quinteiro-Historias de las Rías

Pereira de Castro, Juan Manuel (Reboreda, 24-5-1820 / Barbañas (Ourense), 15-4-1896)

Fillo de Ignacio Manuel Pereira. Señor da Casa de Reboreda, pazo no que naceu e se criou, e da Casa de Castro (Arcos-Ponteareas). Político progresista e republicano. Encarceado o 19 de maio de 1868 no cárcere de San Antón, acusado de conspiración por reunirse o ano anterior co xeneral Prim en Londres. Estaban a preparar a Revolución de 1868, máis coñecida como a Gloriosa. Coa victoria de Prim sería posto en liberdade, presidindo a Xunta Revolucionaria de Coruña. En marzo do 1871 accede ó cargo de Deputado por Redondela, deixandoo en agosto por ser nomeado Enviado Extraordinario e Ministro Plenipotenciario no Imperio da China e nos Reinos de Siam e Annam. Ese mesmo ano o Ministro de Estado ofreceulle a Cruz de Carlos III, que rexeitou. A resultas das viaxes propias do seu cargo recibe o Gran Cordón, concedido pola Coroa de Siam, e publica en 1883 Los Países del Extremo Oriente. Libro que amosa os costumes, paisaxes e tradicións destes pobos. No antigo Casino de Redondela existía unha foto na que podía verse a Juan Manuel Pereira sobre un elefante branco.

Coa chegada da I República, en 1873 voltaría a ser elexido Deputado por Redondela. Tamén foi nomeado Senador por Pontevedra (1871-1872) e por Ourense (1872-1873), cargos que non exerceu por atoparse fóra de España, Gobernador Civil de Pontevedra e Deputado ás Cortes por Ponteareas (1848-50). Ourense, Redondela (1847) e Lalín, a este último cargo renuncia ó ser tamén electo Deputado pola Provincia de Pontevedra ás Cortes constituíntes. En 1868 a proposta dos veciños adícanlle unha rúa en Ourense. No 1875, coa restauración da dinastía borbónica, retírase da vida política fixando a súa residencia en Ourense e pasando os veráns no Pazo de Reboreda. Faleceu na súa casa de Barbañas (Ourense) ós 76 anos, sendo enterrado en Reboreda.

En1931, durante a II República, adicóuselle unha rúa en Redondela. En 1962 Otero Pedrayo publicaría a novela O Señorito da Reboraina baseada na súa vida.

Pérez Varela, Jesús (Redondela 19-4-1946)

Foi director do Imparcial, diario de extrema dereita. Estivo ó fronte do Gabinete de Comunicación na Xunta de Galicia. Nomeado conselleiro de Cultura e Comunicación Social o 06-06-1996. A partir de 1997 conselleiro de Cultura, Comunicación Social e Turismo posto que ostentou ata a primeira semana de agosto do 2005.