A Fervenza de Reboreda (Reboreda)

           Unha das paisaxes máis fermosas de Redondela. Nos oitenta os nenos se bañaban ós pés da fervenza. Anos atrás, as familias facían xantares campestres á beira do río.

¿Como chegar?

            En agosto do 2008 visitei a fervenza e isto foi co que me atopei. Intentei acceder a pé polo camiño que está xunto ó muíño vello, hoxe adicado á hostalaría. Atopei que o camiño estaba cortado por un portal (descoñezo se legal ou ilegamente). Cabía a posibilidade de poder acceder saltando de pedra en pedra polo río, pero deixei as aventuras para outro día e preferín preguntar a unhas veciñas. Unha delas comentoume que, días atrás, fora pola beira de enfrente, pero un veciño berráralle por atravesar as súas leiras. Decidinme a acceder polo camiño que empregara hai anos. 

            Saíndo de Redondela collemos a estrada cara a Amoedo. Xusto antes do supermercado Familia, atópase o acceso aberto para as obras do trazado do Ave. Onde se le “Prohibida la entrada a toda persona ajena a esta obra” saltar a malla de plástico. Seguimos o camiño da esquerda e, facendo frente a alta vexetación, chegamos á fervenza.

Estado actual (2008).

            A paisaxe segue sendo espectacular a pesares da falta de accesos, o abandono e a alta vexetación.

Conclusións.

O curioso e que o Concello sempre emprega a imaxe da fervenza para promocionar o turismo, sen que os redondeláns e, moito menos os turistas, a poidamos disfrutar por toparse rodeada de propiedades privadas. Cun acceso adecuado e a construcción dunha zona de lecer poderiase convertir nun dos puntos máis visitados da vila. O ideal sería a construcción dun sendeiro que a enlazase cos diferentes muíños.