Parroquias e barrios.

CABEIRO (San Xoán): O máis probable é que proceda do latín caput (cabeza) e sexa un derivado de cabo. Faría referencia á súa orografía.

• A Igrexa: Hai máis de 600 localidades co nome de Iglesia, case todas en Galicia, seguramente serían modernizacións oficiais.
• Porto Cabeiro: Porto ten o significado de “ pasaxe entre montes, desfiladeiro”.

CEDEIRA (San Andrés): O seu significado é pouco claro. Hoxe podería ser un “viveiro de peces”, unha “cetárea”, ou un derivado de “cedo”. Tamén podería relacionarse con “cerdeira” pero a desaparición do “r” sería difícil de explicar.

• A Aldea: Aldea pode ser desde un pobo pequeno ata unha sóa casa.
• O Cruceiro: Do latinismo tardío cruzarius. 
• A Eira Pedriña: Eira pode ter os significados de “espacio libre de edificacións”, “lugar para trillar”, “patio”, “espacio entre casas” ou “cruce de camiños”. Pedriña, “pedra ou rocha pequena”. 
• A Formiga: Si ben é o nome dun insecto, no referente ó lugar pode ter un significado distinto.
• Fortóns: Podería ter relación co adxectivo forte (con forza) ou co sustantivo forte (fortificación).
• A Portela: A forma port-ella é un diminutivo latino de porto. Pola súa situación podería referirse tanto a un paso terrestre como a un pequeno porto de mar.
• Rande: Pode ter a súa orixe no preindoeuropeo r-a/o (rascar, raspar). Discribiría un lugar elevado erosionado.

CESANTES (San Pedro): A súa terminación dáse en outros lugares como Arantes, Barrantes... e tamén fóra de Galicia. Según Gerardo Sacau viría do latín caedere, significando: “a poboación que ocupa o desnivel ou cortadura do terreo.Popularmente tamén é coñecido como Os Trás, parece ser porque en tempos se collían moi boas ostras.

• Carballiño: Mais que de carballo, este nome podería proceder do preindoeuropeo car-b (planta de terreo fragoso, de rocha, planta dura) ou de kar- (rocha). Tamén podería significar “leña miúda”.
• O Coto: Pode ser unha castelanización da forma couto (territorio pequeno con lindes fixadas) ou proceder do prerromano cotto (coto, prominencia).
• Outeiro das Penas: Outeiro é un lugar elevado e Penas  son rochas.
• San Pedro: O santo titular da igrexa da nome ó lugar.

NEGROS (San Estevo): Pode facer referencia á cor do chan, rico en humus.

• Fixón: Do latín fovea (foxo), tamén pode provir de fixo (fito, marco) ou de fixus (cravado, fixo).
• A Igrexa
• Negros
• Pregal: Podía ter o significado de pedregal.

QUINTELA (San Mamed)

• Costeira: Faría referencia á ladeira do monte.
• Quinteiro: Na Idade Media existe quinterius (colono que paga o quinto). Outro significado podería ser “o que ten arrendado unha quinta”. (Ver Quintana-Reboreda).

REBOREDA (Santa María): Procede do latín robur, roboris (carballo, forza robustez) ou de robore (tipo de carballo moi duro). En tempos os montes desta parroquia eran carballeiras que, na súa maior parte, foron repoboados con pinos e eucaliptos. É preciso nomear aquí ó carballo das cen polas, árbore emblemática da vila.

• Asnelle (de Abaixo e de Arriba): O máis probable e que proceda do preindoeuropeo ar-/arn- (auga ou curso de auga).
• A Quintana: Significa “quinta parte da herdade”. Outras teorías serían a relación de Quintana coa vía quinta do campamento romano, onde se celebraba a feira, ou co significado, na idade media, de sub-unidade agraria. Este último, parece o máis probable dado a cercanía dun pazo.
• Santo Paio (de Abaixo e de Arriba): Patrón dunha capela anexa á igrexa de Santa María de Reboreda.