Outras Curiosidades.

O Funil 1969. Foto: Arquivo propio
O Funil 1969. Foto: Arquivo propio

O do Funil.

            O Funil, era o nome que recibía un tramo duns cincuenta metros da rúa Pai Crespo onde a estrada se estreitaba. Era tan pouco o espacio que non collían un coche e un camión ó mesmo tempo. Situándonos nos anos setenta, isto era aínda máis grave. O  único camiño que comunicaba Vigo e Pontevedra era atravesando o casco urbán de Redondela. Non existía circunvalación e moito menos a Ponte de Rande. O firme estaba en mal estado. As pedras e a auga dos charcos salpicaban as fachadas das casas. Ademáis, as aceras eran estreitiñas e os retrovisores dos autobuses pasaban rozándote a cara. Podedes imaxinarvos o grado de satisfación que os cidadáns tiñan coas autoridades responsables. Fixéronse varias manifetacións sen resultados. O alcalde, daquela D. Pedro Otero Rey, sentíase tan frustrado que puso o seu cargo a disposición do pobo.

            Nestas estabamos, cando correu o rumor por Vilavella de que o gobernador de Pontevedra estaba comendo no Xan Carallás. Polo visto, acababan de pasar uns gardas muicipais de Vigo para escoltalo coas motos.

Un grupo dunhas vinte mulleres, sen pensalo dúas veces, votáronse a rúa. En canto pasou a comitiva saltaron ó asfalto. Entre empuxóns ós policías e algún que outro insulto, lograron golpear ó coche do Gobernador con paraugas e escobas. ¡Tivo sorte de non levar unha malleira!

            O problema veu despois, cando se enteraron que o que ía no coche oficial era, en realidade, o rector da Universidade de Santiago. O incidente foi reflexado na prensa. Só se podía facer unha cousa. O alcalde mandou chamar ás mulleres implicadas na agresión. Logo dunha intensa reunión, decidiuse poñerlle un telegrama ó rector para suavizar a tensión. Explicáronlle a confusión e pedíronlle perdón polo acontecido. A contestación non se fixo esperar. Por sorte, as disculpas foron aceptadas. O rector entendía a reacción das veciñas. Xa falara co Gobernador para interesarse pola situación e poñíase a disposición do pobo de Redondela para todo o que fose necesario. A honra da vila estaba a salvo.  

 

BIBLIOGRAFÍA

 El País

 Faro de Vigo

 Aportacións: Matilde Fernández

 

 

Avisos con mensaxe.

            Cartel explícito na Regasenda: “Hay perros. Cuidado con los dueños.” Este é un exemplo do sentido do humor que se pode observar en avisos, carteis e pintadas. Lembranos a outro en Cesantes que dicía: “Cuidado co can é pequeno pero sabe Kung Fu”. Máis forte era un en Vilavella que facía referencia a unha famosa muller da vida. No camiño á casa na que vivía, baixo un sinal de dirección prohibida, podíase ler: “Excepto Juana y usuarios”.

            Na Xunqueira aínda se pode contemplar unha vella pintada dos anos 80 concienciando á poboación sobre o perigo das drogas duras: “Co porro ris, co pico morres”. E moi cerca no actual multiusos había outra que facía referencia á alcaldesa: “Fita: Yo vos quiero mucho, mañana calor”.

            No 2012 un cartel en Cedeira chegou a aparecer na televisión nacional: “Se vende, también a gitanos”.

Portada Revista TIME. Foto: ABC:es
Portada Revista TIME. Foto: ABC:es

Unha moza de Chapela portada da revista Time.

            No 2009, Lorena Domínguez de Chapela compartiu a portada da prestixiosa revista Time con outros dous mozos para representar á “generación del desencanto”. Entraba así a formar parte dunha lista de personaxes que foron portada como: Bill Gates, John Lennon ou varios presidentes de EE. UU.  Con 23 anos, Lorena era unha dos 3.000 trabaladores despedidos pola empresa Citroen a finais do 2008. Na entrevista contaba como retomaba a súa vida cun novo emprego e como os seus pais tiñan que pagar a súa hipoteca. A repercusión desta reportaxe foi tal que apareceu en outros medios como o programa El Buscador de Telecinco ou xornais como o Faro de Vigo ou ABC.

                          

BIBLIOGRAFÍA

ABC

http://www.abc.es/hemeroteca

Faro de Vigo

http://www.farodevigo.es/servicios/hemeroteca/hemeroteca.jsp

La Vozde Galicia

http://www.lavozdegalicia.es/hemeroteca/index.htm

 

 

A dubidosa credibilidade dos xornais redondeláns

            As veces o humor, ou cando menos a falta de rigurosidade, colábase nos primeiros xornais de Redondela, mais parece que os seus colegas doutras vilas tomábanse as cousas en serio.

            Así en 1898 La Opinión  diario de Salamanca, faise eco dun artigo máis que dubidoso: “En Redondela, según dice un periódico local, hay pendiente una apuesta. Consiste en que un vecino de Cedeira tiene que engullirse dos millares de sardinas cocidas con cebollas, dos cuartillos de vino y dos panecillos de diez céntimos, tendrá que comer todo en dos horas, y si no lo hiciese, pagará el comilón el importe de las sardinas”.

            En 1903 El Diario de Pontevedra da a seguinte noticia: “Según dice un periódico de Redondela, al vecino de aquella villa Francisco Míguez Valente, en ocasión de hallarse durmiendo en una finca de su propiedad, se le metió por la boca una culebra, sin que se diese cuenta en el acto. Al creer lo que como cierto afirma el referido semanario, Francisco Míguez siente desde hace unos días moverse el ofidio en el estómago. El citado individuo marchó a Santiago según parece, con objeto de que en el Hospital le practiquen la necesaria extracción”.

 

BIBLIOGRAFÍA

18980517 La Opinión  diario de Salamanca

19031017 El Diario de Pontevedra

 

 

Medidas

 

          Pola lei do 19 de xullo de 1849, España adopta o sistema métrico decimal e busca a unificación de medidas que daquela variaba dunha vila a outra. En 1851 recábase información sobre as pesas e medidas da provincia de Pontevedra. Na capital o ferrado de trigo considérase igual á chamada cuartilla castellana, establecida en 1801, xa que a diferencia é nula por non superar as dúas pulgadas cúbicas. En canto ao ferrado de millo é prácticamente unha cuarta parte maior que o de trigo.

 

         En Redondela as cousas son ben diferentes. Os ferrados de trigo e millo son unha quinta parte superiores aos de Pontevedra. E a vara de medir ten unha pulgada e tres liñas máis que a establecida de Burgos.

 

          No tocante a outros concellos, o ferrado de trigo na Estrada é aínda maior que o de Redondela. Por contra en Tui os ferrados de trigo e millo eran bastante máis pequenos que na nosa vila.

 

 

 

BIBLIOGRAFÍA

 

18510705El Eco de Galicia Periódico de intereses materiales y amena literatura

 

David López. Foto: Web da SAR
David López. Foto: Web da SAR

Un famoso na SAR.

            Non debe ser sinxelo compaxinar unha carreira como actor coa práctica deportiva. É o caso de David López Amor, quen despois de saltar á fama na TVG foi fichado por Antena3, onde protagonizou un programa de humor con caras recoñecidas como Martina Kleim ou Anabel Alonso. Participa actualmente (2016) na serie Gym Tonic na mesma cadea. Apesares dos desprazamentos obrigados polas actuacións en televisión e teatro xogou na S.A.R. ata o final da tempada 2015-2016.

 

 

O porto e o viño.

 

          Antes da construcción do peirao de Cesantes o porto de Redondela tiña como actividade máis importante a pesca de baixura. Pero a finais do século XIX tamén se destacaba por ser un punto de saída de viño cara a Coruña. Algúns autores cren que este é o motivo de que a actual rúa Reveriano Soutullo, fora chamada rúa do Ribeiro ata 1895, recuperando este nome en periodos posteriores (Ver Toponimia>Rueiro de Redondela).

 

         Na Descripción económica del reyno de Galicia, publicada por José Lucas Labrada en 1804, destácase do noso porto que sexa un punto de partida coniderable de viños do país. Engadindo que a pesca de sardiña ascende a 309 millares anuais. Transcribo a continuación os datos do transporte marítimo referentes a Redondela entre 1793 e 1797, cun total de máis de 500 toneladas, o que nos da unha idea da súa relevancia como saída do viño cara A Coruña:

 

 

 

 

Nome do Buque Toneladas Procedencia Carga Destino Data Entrada

 

Patache N. S. de Junqueras.20.....Vigo/Red...Viño.............A Coruña........25-02-1793

 

Patache S. Antonio..............20......Red...........Viño.............A Coruña........03-03-1793

 

Bergantín El Carmen...........30......Red...........Viño.............A Coruña.......09-03-1793

 

Patache S. Antonio..............24......Red...........Viño........Coruña e Ferrol...08-07-1793

 

Patache N. S. Encontrela.....20......Red...........Viño.............A Coruña.......13-01-1794

 

Pinaza El Carmen................10......Red...........Viño.............A Coruña.......12-03-1794

 

Patache S. Telmo.................35......Red...........Viño............A Coruña........23-03-1794

 

Basco S. Antonio y Ánimas.12......Red...........Viño.............A Coruña.......29-08-1794

 

PatacheS.Josef....................20.....Red...........Viño...............Ferrol...........27-05-1795

 

Patache S.Antonioy Ánimas.20.....Red...........Viño.............A Coruña........03-06-1795

 

Pat Dulce Nombre de Jesús..30...Vigo/Red.....Viño.............A Coruña.......22-07-1795

 

Patache San Antonio............30......Red............Viño...........A Coruña........20-02-1796

 

Pat Santo Cristo de Candas..30......Red............Viño............A Coruña........21-04-1796

 

Patache N. S. de Pastoriza....38......Red...........Viño............A Coruña........21-04-1796

 

Patache N. S. del Carmen.....30......Red...........Viño............A Coruña........10-05-1796

 

Pat S. Antonio y Ánimas.......30.....Red............Viño.............A Coruña........12-05-1796

 

Pinaza S. Antonio..................30......Red...........Viño...........A Coruña........11-07-1796

 

Bergantín N. S. Carmen........30......Red...........Viño.............A Coruña.......13-07-1796

 

Bergantín San Josef.................40......Red........Viño...........A Coruña.........10-12-1796

 

Patache N. S. del Carmen........20......Red........Viño...........A Coruña.........02-06-1797

 

Patache Jesús, María y Josef....40......Red........Viño...........A Coruña.........02-06-1797

 

Patache S. Antonio y Ánimas...20.....Red.........Viño.............A Coruña........02-08-1797

 

 

 

 

 

 

BIBLIOGRAFÍA

 

Descripción económica del reyno de Galicia. Escrito por José Lucas Labrada, 1804

 

 

 

 

 

 

 

 

Texto: J. Migueles

Actualizado: 02-07-2018

Escribir comentario

Comentarios: 0