Futbol Sala

 

Futbol Sala. Equipos

 

 

 

 

F. S. Redondela. Equipo fundado en 1986 e que na tempada 1988-89 disputaría a fase de ascenso a División de Honra6. Nos 90 chegou a xogar na Nacional A e na actualidade disputa a Liga Galega Autonómica. Foi o primeiro clube de Redondela en contar cun equipo federado feminino, aínda que de xeito intermitente ata que no 2015 volta a crearse en categoría senior e cadete.

 

No 2014 na IV Gala da FGFS, recibiu dous premios, o de equipo menos goleado e o de mellor adestrador galego, na persoa do vigués Julio Mougán. Como éxito da canteira destacar que na tempada 2016-17 a Selección de Vigo alevín venceu no Campionato Galego de Seleccións Comarcais, aportando este clube aos xogadores Antón Pérez, Iago Montero, Álex Migueles e o adestrador Álvaro Gil.

 

6En 1989 unifícanse ás dúas federacións existentes formándose unha liga formada por 48 equipos que se irá reducindo nos anos seguintes.

 

 

Outros clubes federados cos que contamos serían:

 

Arealonga F. S. Creado por Iván Vázque Figueroa en Chapela no 2003. No 2014 disputa a Autonómica grupo norte. O seu equipo feminino venceu na liga local de Vigo 2005-06. Na actualidade conta cuns 130 deportistas.

 

 

 

Campito F. S. Equipo de Chapela creado no 2011. Campión provincial na tempada 2013-2014. No 2014 comeza a compitir na Autonómica grupo sur onde coincide co F. S. Redondela.

 

 

 

A estes tres equipos habería que engadir o xa desaparecido Centro Recreativo Cultural de Redondela. O seu equipo feminino vencería na Compostela Cup 2008, recollendo o trofeo Ana Castellano e sendo proclamada mellor xogadora Uxía González.

 

 

 

 

Futbol Sala. Xogadores Históricos.

 

 

 

Nos 80 varios xogadores de Redondela ficharon polo Celulosas F. S., de Pontevedra, tres pertenceran ao C. D. Choco: Javier Pazos Docampo (Vierichi), Nolichi, Richard; e un fora porteiro da S. A. R., Ernesto González González (Nesto). En 1989 este clube pasaría a chamarse Rías Baixas FS, inscribíndose na división máis baixa, na 1ªB, e ascendendo a División de Honra na 1994-95. A nivel individual, Nesto gañou o Campeonato de España coa selección galega, sendo considerado Mellor Porteiro Español do ano. Retirándose tralo ascenso do equipo á División de Honra.

 

O primeiro en disputar a máxima categoría sería:

 

 

Marcos. Choco 1989-90 Foto: cedida J.J. Alonso
Marcos. Choco 1989-90 Foto: cedida J.J. Alonso

 

Marcos Ferreira (Redondela, 1970): Como os anteriores formado no C. D. Choco. Na tempada 1994-95 ficha polo Rías Baixas de Pontevedra. Nesa mesma tempada acada o ascenso a División de Honra, na que permanece varias tempadas con este equipo ata a súa retirada.

 

 

 

Corpo Técnico

 

Jorge Alberto García Argibay dirixiu ao equipo pontevedrés Celulosas FS na tempada 1988-89. Voltaría a facerse cargo deste equipo (xa baixo o nome Rías Baixas) en 1994, sustituindo a outro redondelán, José Suárez.

 

 

Futbol Sala. Xogadores Actuais.

 

Juan Puertas
Juan Puertas

 

 

Juan Puertas Bouzón (Ventosela, 4-12-1979): Ala pívot. Os seus primeiros equipos foron Carballino F. S. (2001-04), Ourense F. S. (2004-05) e Acetol Tucan (2005-06), co que ascendeu á División de Prata. No 2006-2007 acadou o ascenso á División de Honra co Leis Pontevedra. Con este equipo debutaría na máxima categoría na tempada seguinte sendo o máximo goleador do equipo. Na tempada 2008-2009 fichou polo Carnicer Torrejón. En xullo de 2009 pasaría ao Lobelle de Santiago, disputando as finais de Copa e Supercopa. Na 2010-2011 xoga 30 partidos e marca 10 goles co Talavera F. S. A seguinte tempada deixa a División de Honra para tentar o ascenso co Oxipharma Granada (2011-2012). O obxetivo se cumpriu pero problemas económicos acaban co soño da máxima categoría. A liga comeza e atópase sen equipo así que xoga co Mosteiro Bembrive de 2ªB para non perder a forma.      

        En decembro do 2012 é reclamado polo que fora o seu adestrador no Oxipharma, Bruno García, e anúnciase na prensa a súa marcha ao equipo chino Changchun Fengyum, pero a fichase non se chega a concretar por problemas co patrocinador e remata a tempada xogando co Levante de 2ª. No 2013 ficha polo Jeréz F. S. de 1ª División. Para a 2014-15 volta ao Levante, que nesta tempada disputa a 1ª División. Marcha daquela a Italia chamado polo técnico vigués Ramiro López, acadando o ascenso á máxima categoría co ASD Carrè Chiuppano, no que coincide con Daniel Iglesias. Para a seguinte tempada, segue ao mesmo adestrador ata Kuwait, onde forma aos seus 35 anos co Kuwait Sporting Club, un dos mellores equipos do país. No 2016 volta á nosa vila, fichando polo Redondela F. S. ata a apertura do mercado de inverno, indo ao Gran Canaria F. S. No 2017 inicia outra aventura no estranxeiro, desta volta a Croacia, ao Nacional de Zabreg. Este proxecto ilusionante co equipo clasificado para disputar a Champions remata con impagos de salariose o presidente desaparecido, polo que decide regresar en decembro. Outra vez na casa, en febreiro do 2018, ingresa na plantilla do Redondela F. S. para pouco despois marchar a Vietnam para reforzar ao Cantho Catfish, nun campionato de dous meses no que o clube se proclama vencedor. En xullo, este veterán xogador, ficha polo segunda Noia Portus Apostoli.

 

Facebook>ASD Carrè Chiuppano Alto Vic
Facebook>ASD Carrè Chiuppano Alto Vic

 Daniel Iglesias Núñez (Redondela, 13-1-1984): Procedente do mundo do futbol formouse nas categorías inferiores do Deportivo da Coruña. Xa no futbol sala, marcha a probar fortuna en Italia xogando no Petrarca Padova (2003-04), Atletico ArzignanoCornedo (2004-05), Unichimica Cornedo (2005-06), Castelli Montecchio (SerieB, 2006-08), Carrè Chiuppano (C1 ascenso e mellor xogador, 2008-09), Came Dosson (2009-12) e Atletico ArzignanoCornedo (2012-13). Na 2013-14 regresa ao ASD Carrè Chiuppano, co que na seguinte tempada acada o ascenso á máxima categoría, tendo como compañeiro ao tamén redondelán Puertas e ao adestrador Ramiro López, que marchan a finais de tempada. Pola súa banda continúa outro ano máis e con él o porteiro vigués Alberto Fernández, pero o equipo descende e abandoa o clube. Na 2017-18 continúa en Italia co Città di Thiene e na 2018-19 no FCD Sporting Altamarca Futsal da Serie B.

 

 

 

 

Futbol Sala. Xogadoras

 

Anteriormente á creación de equipos femininos en Redondela a única xogadora que xogou en equipos federados foi Mariló Ferreira Bemposta que, como dixemos no apartado anterior, compaxinou este deporte co futbol. Na tempada 2017-18 aínda xoga en 2ªNacional co equipo O Fisgón, de Marín.

 

Destacar tamén a Ana Gonzalez Rivera, portera del CRC Redondela que gañou o Campionato de España Cadete Femenino 2006 coa selección galega e que, como vimos anteriormente, tamén se pasou ao futbol.

 

 

 

Valores de Futuro

 

Eduardo González Ricón, xogador alevín do F. S. Redondela, proclamouse subcampión de España de seleccións autonómicas 2015.

 

Diego Somoza, do Campito F. S. proclamouse con 14 anos campión de España coa selección galega no ano 2014, sendo o máximo goleador do campionato.

 

Antón Pérez Rodríguez, porteiro do Redondela F. S., foi campión de España coa Selección Galega alevín no 2016.

 

 

 

Futbol Sala. Campionatos afeccionados celebrados en Redondela.

 

En decembro de 1965 disputouse na Xunqueira o I Trofeo S. A. R., primeiro campionato na vila do daquela novidoso deporte. Tan só se inscribiron catro equipos: S.A.R., The Boys, Wonder e Residencia Santo Domingo.

 

En 1974 comezou a organizarse o Mundialito da Xunqueira por iniciativa de José Jaime Pérez Alfaya "Picho" e Alberto González Figueroa. A peculiaridade deste campionato é que se xoga con valados, que foran colocados para a práctica do hockey patíns como veremos máis adiante. O motivo polo que é coñecido como “Mundialito” está nas primeiras edicións, nas que os equipos participantes recibían os nomes das seleccións que non se clasificaran para o Campionato Mundial de Futbol (Tahití, Congo, Zaire... ). A organización era moi diferente á actual. Daquela non se inscribían os equipos, senon os xogadores, que pagaban unha cuota para financiar as camisetas e os demáis gastos que houbera. Cada xogador era catalogado según a súa valía (bo, regular ou malo), para así sortear en que equipo xogaría cada un e asegurar a igualdade. Na primeira edición participaron 4 equipos e en 1980, xa eran 20. No 1982 Generoso Muíños (Gene) creou o Campionato Infantil, Alevín e Promesa, que en edicións posteriores tamén contaría con categorías femininas.

 

En 1979, coincidindo coa festa da Coca, organízase por primeira vez, o xa desaparecido, Trofeo Concello de Redondela. No 1984 enfrontáronse os campións das ligas de Redondela, Vigo e Pontevedra e unha selección de Redondela.

 

O Campionato 24 horas, comezou a celebrarse en 1.981 durante a Semana Santa no pavillón de Redondela e dura tres días. Nos seus mellores anos se apuntaban tantos equipos que algúns quedaban fora. A participación iría a menos ata o punto de non celebrarse no 2018 por non chegar ao mínimo de 15 inscritos.

 

En 1982 iniciouse a organización do Campionato de Cedeira na pista da escola. Nos seus inicios tan só podían xogar os residentes nesta parroquia e os equipos formábanse por barrios. Foi o primeiro torneo en contar con competición feminina, celebrándose por primeira vez en 1983 con tan só dous equipos, nos seguintes anos aumentaría o número pero co tempo deixaría de celebrarse.

 

Tamén nos anos 80 comezou a celebrarse a Liga Local, coñecida tamén como Liga de Inverno. Chegou a contar con máis de trinta equipos divididos en 1ª e 2ª división. Nun principio xogábase tan só no pavillón de Redondela e, posteriormente, tamén nos de Chapela e Reboreda.

 

Outros campionatos que se celebran na vila serían: 24 horas de Chapela, Campionato Campito, Liga de Verano de Reboreda, Torneo de Futbol sala de Chapela, Torneo Eduardo González Pajuelo...

 

Texto: J. Migueles

Actualizado: 7-4-2019

 

BIBLIOGRAFÍA

 

Aportacións orais.

 

Liga Nacional de F. S. http://www.lnfs.es

 

www.marca.com

 

www.doblepenalti.com

 

Farodevigo

 

Diario de Pontevedra

 

En Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es => El Pueblo Gallego

 

Arealonga F. S. arealongafschapela.com

 

Campito F. S. http://campitofutbolsala.blogspot.com.es/

 

Redondela Futbol Base http://www.redondelafutbolbase.com/

 

Facebook>ASD Carrè Chiuppano Alto Vic

 

davidacevedolopez.blogspot.com

 

 

 

Escribir comentario

Comentarios: 2
  • #1

    campito fs (viernes, 24 octubre 2014 17:33)

    Campito F.S , campeón provincial temporada 2013-2014

    Diego somoza campeón de España con la selección gallega año 2014 . y máximo goleador del campeonato.

  • #2

    Anecdotario (sábado, 25 octubre 2014 20:46)

    Grazas, actualizo coas túas aportacións.