Natación e waterpolo.

       

 

Anos 30. Os inicios.

 

En setembro do 1933 disputan un amigable de waterpolo na dársena da Ribeira o Delfín e o Tiburón, sendo o resultado 2-0. O primeiro equipo estaba formado por Ocampo, Alfaya, Portugés, Pereira, Cal e Torrado; e o segundo por Chicuelo, Fernando, Generoso, Pereira, Bernárdez, Vidal e Manolo.

 

En 1934 disputáronse unha serie de partidos de categoría infantil a nivel provincial no que participou un equipo chamado Redondela.

 

En agosto enfrontáronse o Albatros, no que se destacaron Carlos Pereira e o porteiro Hermida, e o Nautilus, no que destacou o porteiro Chicuelo.

 

En categoría absoluta ese ano comezou a competir o equipo Centro Republicano Recreativo de Redondela, que era unha selección dos dous equipos anteriores. En setembro de 1934 chegou a semifinais do Campeonato de Galicia da Serie B, perdendo co Marítimo de Vigo. Ao ano seguinte chegaría á final enfrontándose ao Naútico da Coruña. Acadaría un empate en Redondela, pero perdería na Coruña 5-0. Formaban o equipo: Cabezo II, Emilio, Suso, Carlos, Chicuelo, Inocencio e Pichi. Un pouco antes celebrouse a victoria na zona sur cun baile no Centro Republicano, homenaxeando a José Sánchez, gran propulsor deste deporte, que en breve habería de regresar a Madrid, e ao xoven Antonio Ocampo. Nunha asamblea xeral da Federación Galega de Natación, celebrada en maio de 1936, o clube sería representado por Carlos Pereira e Jesús Bernárdez.

 

Nunha noticia de xuño de 1935 dáse conta do inicio dos entrenamentos dos equipos Delfín e Arroaz.

 

No programa das festas da Coca de 1936 figuran dous partidos de waterpolo para os que se conta con equipos de Pontevedra e Cangas.

 

O equipo do Centro Republicano tería continuidade co Club Natación de Redondela que, a principios de xullo de 1936, renovaba a súa directiva: presidente, Jesús Bernárdez Gómez; secretario-contador, Segundo Puga; tesoreiro, Carlos Pereira; vocais, Severo Fernández e Raimundo Cal. Ademáis convoca aos xogadores do Nautilus e Albatros na piscina da Travesía para proceder a selección do equipo que participará nos campionatos rexionais.

 

É sorprendente a noticia que, en xullo do 1935, da conta da celebración dun campionato de natación nas festas de San Bieito en Vilar de Infesta.

 

 

Guerra Civil. Postguerra.

 

Nesta época a práctica dos deportes náuticos pasa polos órganos da Falange.

 

Delegación de Redondela de SEU: En 1938 participa no I Campeonato Escolar de SEU.

 

Delegación de Redondela da OJE: En setembro de 1939 participa nos “I Juegos Deportivos Provinciales de las Organizaciones Juveniles”. En setembro do ano seguinte este campionato celébrase en Redondela.

 

En agosto de 1940, nun partido de waterpolo Vigo-Redondela, vencen os vigueses 4-1. Ese mesmo mes, organizado pola delegación de O. J. de Redondela ten lugar o torneo Organizaciones Juveniles de Waterpolo, enfrontándose os equipos locais. Serían arbitrados por Mundo e remataría co resultado de empate a dous:

 

Organizaciones Juveniles: Tino, Varito, Torrado, Chilote, Pedro, Padrón e Álvaro P.

 

Altabros: Nicanor, Manolo, Sito, Carlos, Pedrito, Luis e Alberto

 

O segundo partido, que estaría precedido dun encontro entre Flechas e outro equipo infantil da vila, tamén acaba en empate, 3-3.

 

En xullo de 1941 un equipo de Redondela no que xoga Cabezo II participa nun campionato organizado polo Marítimo de Vigo. Ao mes de agosto outra noticia da conta da participación dun equipo de Redondela en Vigo nun “festival-náutico” organizado pola S. E. U.

 

En xullo de 1943 o Educación y Descanso de Redondela é derrotado 5-0 polo Educación y Descanso de Vigo. En xullo de 1946, entre os actos organizados pola Jefatura Provincial de Educación y Descanso para conmemorar a Festa da Exaltación do Traballo en Vigo, celébrase un partido entre unha selección viguesa e unha de Redondela. En 1949 en Pontevedra, enfróntase ao equipo daquela cidade para conmemorar o 18 de xullo.

 

 

 

1944 C. D. Redondela.

 

C. D. Redondela. Waterpolo.

 

En 1944 créase o Club Deportivo Redondela. Este equipo de waterpolo acadaría o Campionato de Galicia de 1946 e tamén contaba con categoría infantil. Formaban neste equipo: Ocampo, Torrado I, Pereira II, Carlos, Colón, Torrado II e Pereira III.

 

 

 

C. D. Redondela. Natación.

 

José Bernardo Núñez (Colón). Foto: Bodas de Oro. Antonio Ocampo
José Bernardo Núñez (Colón). Foto: Bodas de Oro. Antonio Ocampo

 

Algúns dos resultados obtidos por este clube serían:

 

No Campionato Galego de Natación de 1945 o equipo de maiores e o de cadetes remataron últimos, (probablemente por non competir en todas as probas) máis a sorpresa a deu o equipo infantil co seu primeiro posto, no que destacaría en 100 metros libres infantil Bernardo Núñez “Colón” que bateu extraoficialmente o record nacional e que tamén venceu no 100 costas.

 

Nadadores deste equipo serían: Suárez, Bravo, Torrado, Pereira, Sánchez e Otero. A todos estes habería que engadir o equipo infantil, que en 1945 estaba formado por: Núñez, Suríz, J. González, Otero, Pereira Bartos, Suárez, López Torrado e Blas. Aos que habería que engadir en 1946 a Gómez.

 

En 1946 a sensación da Selección de Pontevedra nos Campeonatos Nacionales de Frente de Juventudes, sería de novo Bernardo Núñez, que faría os 100m. en 1min. e 11 sg.

 

No Campionato Galego de Natación de 1947 este equipo acadaría o 3º posto e o 1º en infantiles, categoría na que se bate o record galego de 4x100 con 5’13 e na que destacaron González 1º en 100 costas e 2º en 100 libres; e Suárez 2º en 100 braza. Hai que destacar que competía con equipos de Vigo e A Coruña as dúas grandes cidades galegas. En maiores destacou Bernardo Núñez 2º en 100 m. libres con 1’8’’, batendo o record galego cadete, e en 400 m. libres con 5’40’’, nas dúas ocasións foi vencido pola veterana figura viguesa Alejandro Febrero.

 

En agosto dese mesmo ano no Campeonato de España do Frente de Juventudes, e con tan só 16 anos, Bernardo acadaría o título de Campión Nacional de 400m. e o Subcampionato en 100m. Libres. Na proba de relevos o equipo formado por B. Núñez, Suárez, González e Manuel Núñez acada o 2º posto. Ademáis González acadaría o 4º posto en 100 m. costas.

 

No Campeonato de España de 1947 Bernardo Núñez acabaría 7º en 400m. e 4º formando parte do equipo galego de 4x200 estilo libre.

 

En agosto de 1948 celébrase os campionatos provinciais do Frente de Juventudes, no que destacan os irmáns Núñez e o C. D. Redondela se clasifica en primeiro lugar, seguido de Pontevedra, Tui e Vigo. Ese mesmo mes celébrase o Campionato Galego, no que en maiores B. Núñez venceu nos 100m., batendo o record galego de cadetes con 1m. 34s.; e o seu irmán gañaría nos 400 m. infantil.

 

 

Os nadadores máis destacados deste equipo serían:

 

 

 

José Bernardo Núñez Estévez “Colón” (Cesantes): Probablemente foi o mellor nadador redondelán de tódolos tempos, acadando numerosos campionatos rexionais e nacionais e gañando varias veces a Travesía Vigo-Cangas. No seu comedor tiña máis de 70 copas. Como outros nadadores tamén participaba no equipo de waterpolo. Despois da desaparición do C. D. Redondela pasou a competir brevemente co Frente de Juventudes de Redondela e, a partires de 1949, co Club Náutico de Vigo (tamén en waterpolo).

 

           A mediados dos anos 50 estableceuse en Zamora como perito industrial da fábrica textil e fundición San Jerónimo. Alí casaría e formaría a súa familia.

 

           En 1998 déronlle o seu nome á piscina municipal.

 

 

A continuación engado os datos atopados do seu palmarés:

 

Cto. Galego, 1945 (infantil): 1º 100 m. libres (batiu extraoficialmente o record nacional) e en 100 costas. 2º en 4x100 (Redondela A: González, Pereira, Blas e Bernárdez)

 

Cto. Social C. N. Vigo, 1946: 2º 100 m. costas (cadete) e 2º en 400m. libres (senior) con 5'34”2.

 

Cto. de España de Frente de Juventudes, 1946: 1º en 100m. en 1'11”05.

 

Cto. Galego, 1946 (infantil): 1º 100 m. libres, 1'08”5.

 

Cto. de España (A Coruña), 1946 (absoluto): Con tan só 15 anos participou nos 100 m. libres, onde unha mala viraxe o relegou ás últimas posicións, e no 4x200 libres, facendo o mellor relevo do equipo galego con 2'40”4.

 

Cto. Galego, 1947 (absoluto): 2º en 100 m. libres con 1’8’’ (record galego cadete), e 2º 400 m. libres con 5’40’’.

 

Cto. de España de Frente de Juventudes (Burgos), 1947 (absoluto): 1º sn 400m., 2º en 100m. libres e 2º en 4x100 (B. Núñez, Suárez, González e Pirulo). Daquela contaba 16 anos.

 

Cto. España, 1947 (absoluto): 7º en 400m. e 4º en 4x200 estilo libre.

 

Cto. provincial, 1948. Destacan os irmáns Núñez.

 

Cto. España, 1948: Forma parte da selección galega.

 

Cto. Galego, 1948 (absoluto): 1º en 100m., 1m. 34s. (record galego cadete).

 

Nadador Completo (Vigo), 1949 (juniors): 1º 100m. costas, con 1'19”.

 

IV Travesía Ría de Vigo, 1949: 2º, 1h. 2'49”.

 

Cto. Galego, (A Coruña) 1950: 1º en 100 costas en 1'20””8 e 4x200 10'30”6 (quedando a unha décima do record galego), e 3º en 400 m. libres.

 

V Travesía Ría de Vigo, 1950: 1º

 

Conmemoración del 18 de Julio (Coruña), 1951: 1º en 400 e 100 m. costas, formando parte do equipo “Grupo de Empresas del Sindicato Provincial de Hostelería”.

 

I Travesía do porto de Vilagarcía, 1951: 2º

 

Cto. de Espeña de Frente de Juventudes (Santander), 1951: 1º en 1.500 e 400 libres.

 

Cto. de España de Grupos de Empresa: 1º en 400 m. libres, 5'34”3; e en 100m. 3º en 100m. costas.

 

Cto Galego, (A Coruña) 1952: 1º en 1.500 libres, 22'23”; e 100 m., 1'06”. 2º en 400m. libres e 4x200 (con A. Pérez, Mumary e Febrero)

 

Cto. de España (Barcelona), 1952: 100 m. libres (Record Galego 1'05”)

 

Cto. Social C. N. Vigo, 1953: 1º en 400m. libres 5'25”9. 2º en 100 e 200m. libres.

 

Cto. Galego, (A Coruña) 1953: 1º 400m. libres, 5'21”05

 

Cto. de España (Sta. Cruz de Tenerife), 1953: 4º na 1ª eliminatoria de 100m. libres.

 

Cto. de España (Barcelona), 1954: 6º en 100m. libres, 1'06”04 e 7º en 400m.

 

Cto. Galego, 1954: 1º en 400m. libres en 5'28”8.

 

Probas do C. N. Vigo, 1955: 2º en 100m. Libres, 1'06”09.

 

Cto. Galego, 1956: 1º en 400m. libres, 5'20” e 1.500 libres, 22'00” e 2º en 100 m.

 

3º na votación para “Mejor deportista Vigués de 1956”.

 

Cto. Galego, 1957: 1º en 400 m. libres en 5'12”5 e 4 por 200. 2º en 100 m. costas.

 

Cto. de España, 1958: 9º en 1.500 con 23'07”

 

Cto. Galego (A Coruña), 1958: 1º en 1.500 libres, 22'55”; e 400, 5'29”. 2º en 100m. libres e 4x100. Fíxoselle entrega da Placa de Mérito Regional.

 

Cto. Galego, 1959. 1º na 1ª serie de 400m. (descoñezo o resultado da final)

 

Participa co C.N. de Vigo no Cto. de España B de Waterpolo (Tarrasa), de 1960.

 

Cto. Provincial de Educación y Descanso, 1960: 1º en 100m. libres.

 

Semana del Productor (Zamora), 1960: 1º en 100m.

 

Cto. Galego, 1962: Fíxoselle entrega da Placa de Mérito Regional de tempadas anteriores.

 

 

Núñez Estévez, Manuel “Pirulo” (Cesantes)

 

Campionatos provincial, 1948. Destacan os irmáns Núñez.

 

Cto. Galego (A Coruña), 1948 (infantil): 1º en 400 m. libres.

 

En 1949, xunto ao seu irmán Bernardo ficha polo C. N. de Vigo.

 

Cto. Galego, (A Coruña) 1952 (cadete): 3º en 100 m. costas.

 

Cto Galego, 1956 (sénior): 2º en 100 costas.

 

 

 

Bravo

 

Cto. Galego, 1945: 5º en 100 m. costas.

 

 

 

Soto, Gonzalo

 

Cto. Galego 1945: 4º en 1.500 m. libres.

 

 

 

Suriz

 

Cto. Galego 1945 (infantil): 4º en 100m. braza e 3º en 4x100 (infantil-Redondela B: Bartos, Otero, Suárez e Suriz)

 

 

 

Otero

 

Cto. Galego, 1945: 5º en 100 m. libres.

 

 

 

Otero

 

Cto. Galego, 1945 (infantil): 5º en 100 m. costas e 3º en 4x100 (infantil-Redondela B: Bartos, Otero, Suárez e Suriz)

 

 

 

Pereira

 

Cto. Galego, 1945: 4º en 200m. braza (cadetes) e 2º en 4x100 (infantil-Redondela A: González, Pereira, Blas e Bernárdez)

 

 

 

González Sánchez, Francisco “Paco Piriquito” (Redondela)

 

Foi campión nacional militar de natación e boxeo. Datos atopados:

 

Cto. Galego, 1945 (infantil): 2º en 4x100 (Redondela A: González, Pereira, Blas e Bernárdez)

 

Cto. Galego, 1947: 1º en 100 costas e 2º en 100 libres.

 

Campeonato de España do Frente de Juventudes, 1947: 4º posto en 100 m. costas e 2º en 4x100 (B. Núñez, Suárez, González e Pirulo).

 

Cto. Provincial 1958: 1º 100 m. costas, 1'28”.

 

 

 

 

Anos 50. Frente de Juventudes

 

Coa desaparición do C. D. Redondela o único equipo da vila foi Frente de Juventudes, que competía nas categorías inferiores.

 

En 1950 no Campeonato Provincial del Frente de Juventudes, participa baixo o nome Puentesampaio de Redondela. Clasifícándose 2º en cadetes e 1º en “flechas”, formaban parte deste equipo: Núñez I, Núñez II, Lago, Araujo e Rivas.

 

No mesmo campionato, en 1954, a Centuria San Simón venceu en todas as probas: 100, 400 e 1.500 libres, 100 costas, 200 braza, 3x100 estilos e 4x100 libres.

 

No campionato nacional infantil de Frente de Juventudes de 1955 celebrado en Barcelona, a selección de Pontevedra acabou 1ª de segunda categoría e 4ª no total. Dos sete nadadores que formaban o equipo cinco eran de Redondela: os irmáns Sebastián (“Batán”) e Germán Muíños Lamas, Generoso Cabaleiro, Juan José López e José Blanco Puga.

 

Ao superar estas idades para seguir nadando o maior poblema co que se atopaban era que para competir tiñan que entrar no Clube Naútico de Vigo e non todos podían pagar o autobús para ir a Vigo tódalas semanas. Ademáis os entrenamentos na Poza contaban co handicap de non ter un punto de apoio para dar a volta, técnica que se popularizou nesta época. Todo isto provocaría que moitos abandonaran a natación pola práctica do futbol, foi o caso de Carlos Muíños Reboredo; os seus curmáns Germán, Gonzalo e Sebastián “Batán” Muíños Lamas; e Generoso Cabaleiro, o cal acadaría a fama como diseñador de moda nos anos oitenta.

 

No campionato Provincial de 1958, o equipo remataría 4º, por detrás de Vilagarcía, Vigo e Pontevedra; sendo 2º na proba de relevos 3 x 100 estilos.

 

 

 

Resultados atopados dos nadadores desta época:

 

 

Barreiro, Alberto (Redondela)

 

Cto. Galego (A Coruña), 1952 (infantil): 1º en 100m. libres, 1'19”.

 

Cto. Social C. N. Vigo, 1953 (infantil): 1º en 100m. libres, 1'12”6; e 200m.

 

Cto. Galego, (A Coruña), 1953 (infantil): 1º en 100 m. libres, 11'12”02; e 100m. costas.

 

Campionato Provincial, 1953: 1º en 100 costas, 100 e 400 libres.

 

 

 

Blanco Puga, José “Bullo” (Redondela)

 

Con tan só 10 anos competiu por primeira vez contra adultos, xa que non había categorías inferiores, e quedou 3º. Pouco despois disputou o seu primeiro campionato nacional infantil, tendo que vencer a oposición da súa nai que non quería que participara nunha competición organizada pola Falange. Formou parte do Clube Náutico de Vigo ata a fundación da S. A. R., clube no que chegaría a ser entrenador. Disputaba os 400 e 100m. libres.

 

Cto. Social C. N. Vigo, 1953 (infantil):1º na primeira serie de 66m. libres.

 

Probas do C. N. de Vigo, 1955 (infantil): 1º en 66m. libres.

 

Participou no Cto. De España de Frente de Juventudes (Barcelona) de 1955.

 

Cto. Provincial: 1958: 2º en 400m. (infantil) e 5º en 400m.7'02”5 (absoluto)

 

Cto. Provincial: 1959- 2º en 400 e 3º en 100;

 

Cto. Social C. N. Vigo, 1958 (infantil): 2º en 100m. libres, 1'25.

 

Cto. Social C. N. Vigo, 1959 (xuvenil): 1º en 400 e 800 e 3º en 100 m. libres

 

Cto. Social C. N. Vigo, 1960: 3º 200 libres

 

Cto. Social C. N. Vigo, 1961 (xuvenil): 1º en 100, 400 e 800 m. libres e 3º 100 volvoreta

 

Cto. Social C. N. Vigo, 1962 (xuvenil): 1º en 800 m. libres e 2º en 100 m. libres

 

Travesía do porto deVilaxoán (Vilagarcía) 2º en 1964, formando xa parte da SAR. .

 

 

 

 

Cabaleiro, Generoso (Redondela)

 

Cto. Social C. N. Vigo, 1953 (infantil): 2º en 66m. costas.

 

Probas do C. N. de Vigo, 1955 (infantil): 3º en 66m. volvoreta.

 

Participou no Cto. de España de Frente de Juventudes (Barcelona) de 1955.

 

Deixou a natación para adicarse ao futbol.

 

 

 

 

López Cardama, Juan José (Redondela)

 

Cto. Social C. N. Vigo, 1953 (infantil):1º en 66m. costas.

 

Participou no Cto. de España de Frente de Juventudes (Barcelona) de 1955.

 

Cto. Provincial, 1958: (absoluto): 2º en 100 m. costas, 1'34”4.

 

En 1964 pasa a formar parte da SAR.

 

Travesía do porto de Vilaxoán (Vilagarcía): 7º en 1964.

 

 

 

 

 

Muíños Lamas, Germán (Redondela)

 

Probas do C. N. de Vigo, 1955 (infantil): 2º en 66m. costas.

 

Participou no Cto. de España de Frente de Juventudes (Barcelona) de 1955.

 

Deixou a natación para adicarse ao futbol.

 

 

 

Muíños Lamas, Gonzalo (Redondela)

 

Campionato Provincial de Educación y Descanso 1953: 3º en 400m. libres e 2º en 100.

 

Deixou a natación para adicarse ao futbol.

 

 

 

Muíños Lamas, Sebastián “Batán” (Redondela)

 

Probas do C. N. de Vigo, 1955 (infantil): 2º en 100 m. libres.

 

Participou no Cto. de España de Frente de Juventudes (Barcelona) de 1955.

 

Cto. Galego (infantil), 1956: 2º en 100 m. libres.

 

Cto. Provincial 1958 (absoluto): 9º en 100 m. libres.

 

Deixou a natación para adicarse ao futbol.

 

 

 

Muíños Reboredo, Carlos “Dula” (Redondela)

 

Cto. Galego (A Coruña), 1956 (infantil): 2º en 200 m. volvoreta.

 

Cto. Provincial. 1957: 1º 200m. Braza e 1º en 100m. volvoreta.

 

Cto. Social do C. N. de Vigo, 1957: 1º en 100 volvoreta e 200m. libres

 

Cto. Galego, 1957 (infantil): 1º en 200m. volvoreta.

 

Cto. Provincial, 1958 (xuvenil): 1º 200m. Braza e 2º en 100m. volvoreta.

 

Cto. Social do C. N. de Vigo, 1958: 1º en 100 volvoreta e 200m. libres.

 

Participou en varios campionatos Nacionais do Frente de Juventudes.

 

Deixou a natación para adicarse ao futbol.

 

 

 

 

Núñez Estévez, María Fernanda (Tata) (Cesantes)

 

Acadou a victoria en varios campionatos rexionais, sendo a primeira deportista redondelá de éxito. Nadaba os 100 m. libres.

 

Probas do C. N. de Vigo, 1955 (sénior): 1ª en 100 m. libres, 1'34”04.

 

Cto. Galego, 1956 (absoluto): 1ª en 100 m. libres, 1'27”04.

 

Cto. Galego 1958: 1ª 100 libres en 1'29”2.

 

Ctos. Sociais do C. N. de Vigo, 1958: 1ª en 100 libres

 

Cto. Galego (Coruña), 1959 1ª en 100, 400m. libres e 100m. costas.

 

Cto. Galego 1960: 1ª en 400m. libres (record galego), 100m. libres e 100m. costas.

 

Cto Social C. N. Vigo, 1961: 1ª en 100 libres.

 

 

 

 

Núñez Estévez, Jorge (Cesantes)

 

Cto. Social C. N. Vigo, 1953 (infantil): 1º na 2ª serie de 66m. libres e 4º en 66m.costas.

 

Probas do C. N. de Vigo, 1955 (infantil): 1º en 66m. costas e 2º en 66m. libres.

 

Cto. Provincial. 1958 (infantil): 2º en 100 costas.

 

Cto Galego: 1959 (infantil) 2º en 100 costas.

 

Cto. Social C. N. Vigo, 1958 (infantil): 1º en 100 costas, 1'44, e 3º en 100 libres, 1'29.

 

Trofeo Secretario (Vigo), 1959 (infantil): 1º en 100m. costas, 1'33, e 2º en 400 m. libres, 7'25.

 

Cto. Galego (Coruña), 1959 (infantil): 2º en 100 m. libres.

 

Cto. Social C. N. Vigo, 1959 (infantil): 1ºen 100 costas, 100 e 400 libres.

 

Cto. Social C. N. Vigo, 1960 (xuvenil): 1ºen 100 costas e 2º en 400 libres.

 

Cto. Social C. N. Vigo, 1961 (xuvenil): 1º en 100 m. costas; 2º en 100 e 400 libres e 100 volvoreta; e 3º en 800 libres.

 

Cto. Social C. N. Vigo, 1962 (xuvenil): 1º en 100m. libres.

 

Cto. Galego, 1962 (xuvenil): 2º en 100m. costas e 2º en 4x200 (sénior)

 

Nadou para o Club Naútico de Vigo ata a formación da S.A.R. en 1964.

 

Travesía do porto de Vilaxoán (Vilagarcía): 6º en 1964.

 

 

 

Núñez Estévez, Marco Antonio (Cesantes)

 

O pequeno da saga de nadadores de Cesantes seguiu os pasos dos seus irmáns: José Bernardo “Colón”, Manuel, María Fernanda e Jorge.

 

Trofeo Guillermo Oya (Vigo), 1959: 1º en 66 m. costas. (Con tan só 9 anos derrotou a nadadores de 13)

 

Cto. Social C. N. Vigo, 1960 (neófitos): 1º 76m. costas e 2º en 66 libres.

 

Cto. Social C. N. Vigo, 1961: 1º 66m. libres (neófitos) e 1º 100 costas (infantil)

 

Cto. Social C. N. Vigo, 1962 (infantil): 1º 100m. Costas e 2º en 100m. libres.

 

Travesía Isla de San Simón-Playa de Cesantes, 1967 (sénior): 1º

 

Cto. Galego (O Ferrol), 1969 (sénior): 1º 200 m. costas, 2'46”

 

Criterium nacional de Federaciones B, 1969: 8º 200 m. costas, 2'42”5; 9º 100 m. libres.

 

Trofeo Virgen del Carmen (Marín), 1969: 1º 400m. libres e 4x100, 2º 100m. libres.

 

Cto. C. N. Vigo, 1970: 1º 100m. costas, 1'11”3; e 100m. libres, 1'02”6

 

Cto. Galego (O Porriño), 1970: 1º 100m.costas, 1'11”7; e 200m. costas, 2'39”. 2º en 400 m. libres, 4x100 libres, 4x200 e 4x100 estilos. 3º en 100 m. libres.

 

Travesía Ría de Vigo, 1970: 4º.

 

 

 

 

 

            Outros nadadores desta época: José Luis Ventín e L. Cabaleiro.

 

 

 

 

 

Anos 60. S. A. R.

 

 

No 1963 fúndase a Sociedad Atlética de Redondela (SAR) creando un equipo nesta disciplina en xuño de 1964 que acadaría varios campionatos galegos. Este clube contou nos seus inicios con nadadores redondeláns que xa destacaran en competicións galegas e que mencionamos anteriormente, como era o caso de José Blanco Puga “Bullo”, Jorge Núñez ou Juan José López Cardama. Ademáis, ao desfacerse durante un tempo o Club Naútico de Vigo os anteriores trouxeron reforzos daquel clube formando un equipo que chegaría a ser a base da selección galega. Algúns dos nadadores que o formaron serían: Rafael Rodríguez, José Mª Martínez, Pili García, Mª del Carmen González, Javier Sánchez, Beatriz González, Ramiro Rodríguez, Mª del Carmen Lage, Antonio Valladares, Alberto Yáñez, Ignacio Vizcaíno (Vigo), Ángel Sobral, Marina Cubelas, Jorge Vizcaíno (Vigo), Carmen “Maca” Lago...

 

Como exemplo no Campionato Galego de 1970 acadouse o terceiro posto de clubes na categoría masculina e o cuarto na feminina, cun total de 18 medallas, das cales 2 eran de ouro: Nacho Vizcaíno en 200 libres e Pili García en 100 libres. Na Travesía Ría de Vigo, dese ano: 3º Ignacio Vízcaíno (sénior), 17º José María Martínez (xuvenil, 17º total). Categoría Feminina: 1ª Pili García (xuvenil, 15º total), 4ª Beatriz González. En 1971 repetiría o mesmo posto no Campionato Galego por detrás do Club Naútico de Vigo e o Club de Natación de Coruña. Acadaron daquela a mínima para o Campionato de España: Ángel Sobral, de 16 anos campión galego xuvenil e record galego de 100m. braza con 1min. 18"8; e Ignacio Vizcaíno, con 1min. 8"" en 100 volvoreta e 2m. 15"7 en 200 crowl. En 1972 o clube vai a menos e tan só se acada o 6º posto de sete equipos na categoría masculina, vencendo Ignacio Vizcaíno nos 100m. volvoreta con 1'09”4.

 

A nivel organizativo destacar: o I Trofeo SAR (1965) e as travesías a nado como a Travesía Isla de San Simón-playa de Cesantes, Festas do Carme de Cesantes, de 1967. Resultados:

 

Infantil: 1º Fermín Blanco, 2º J. Ramón Fernández, 3º Manuel Otero, 4º Enrique Alonso. Xuvenil: 1º Isidoro Migueles, 2º J. Antonio Garrido, 3º Rivas Gómez, 4º Santiago Gómez, 5º Fernando Gómez, 6º Rafael Solá, 7º Fernando Rodríguez, 8º Jaime Arosa, 9º Domingo Rafael, 10º Francisco Álvarez. Sénior: 1º Marcos Núñez, 2º Cándido Pazos, 3º Jose Luis González, 4º Antonio Arosa. 50m. Libres absolutos: 1º Marcos Muíños, 2º José Blanco, 3º J. Ángel Gesteira, 4º Fernando Rodríguez, 5º Isidoro Migueles, 6º Alfonso Pereira, 7º Dositeo Pérez, 8º Santiago Gómez. 50m. Costas absoluto: 1º Cándido Pazos, 2º Fernando Rodríguez, 3º Domingo Rafael. 50m. Libres infantil: 1º Ángel Otero, 2º Fermín Blanco.

 

 

 

A desaparición da sección de natación da SAR, sumada á falta de instalacións, provocou unha recesión na práctica deste deporte na vila.

 

 

 

 

 

Outros datos

 

En agosto de 1970 o Círculo Cultural e Recreativo de Chapela organiza un campionato de natación-cross, no que vence o socio Luis Teniente Lago, seguido de Enrique Comesaña, Anselmo Prada, Gonzalo Mencía, Enrique García e Delio Rodríguez.

 

 

 

S. XXI

 

 

 

A situación cambiou coa inauguración da piscina municipal en 1998 e a formación de equipos nestes deportes.

 

 

 

Clube Waterpolo Redondela

 

Creado en 1999, participou varios anos na Primeira División Galega. A súa mellor tempada sería a 2004-05, sendo considerado o 5º mellor clube galego dese ano e co equipo infantil acadando o 3º posto no Campionato Galego de Inverno. No 2008, como outros equipos pasou a competir tan só en categorías inferiores porque varias piscinas municipais, entre as que se atopa a de Redondela, non cumpren as medidas mínimas para a práctica desta disciplina. No 2009 desaparece definitivamente coa disolución da canteira.

 

 

 

Clube Natación Redondela,

 

Fundado en 1998, conseguiu o ascenso á 2ª división da liga galega de clubes. Acadou varios campionatos e records galegos en categorías inferiores.

 

Nos primeiros anos deste equipo destacáronse:

 

Blanco Darriba, David (Cesantes).

 

Campión galego alevín en 100 e 200 metros mariposa. Seleccionado galego.

 

Campión galego infantil 2009.

 

Soutullo Bastos, María

 

Campiona galega infantil en 50 libre e 100 estilos. Repetiu Campionato galego 2009.

 

González Rodríguez, Pablo (Chapela)

 

Varias veces campión galego infantil en 50 e 200 costas e 100 estilos.

 

Varios records galegos.

 

2º no Campionato de España de 50 costas.

 

 

 

Citar tamén a Uxía González, que no 2015 acadou moi bos resultados en varias probas en mar aberto, destacando o seu primeiro posto na VII Travesía a nado Udra-Pescadoira (7.500 mts.), en Bueu, acadando a primeira posición cun tempo de 2:18:21.

 

 

 

Organización.

 

No 2011 tres nadadores realizaron a travesía a nado de 27 km. entre as Illas Cíes e a Illa de San Simón. Eran Aitor de Luis González de 37 años, que venceu con nove horas e media; José Carlos Conde de 48 años, que cubriu a distancia en dez horas e media; e Nacho Vizcaino de 62 años, ex-nadador da SAR, que tivo que abandoar. Serían estes os prolegómenos da Batalla de Rande a Nado, celebrada por primeira vez no 2012 con participantes de diversos puntos de España. Contra todo pronóstico resultou vencedor o único nadador menor de idade, David Blanco, de Cesantes, cun tempo de 5:41:01.

 

Actualmente a asociación deportiva C. A. R. organiza a proba Travesía a nado Son Simón, na que venceu o triatleta Gómez Noya nas dúas primeiras edicións 2014 e 15.

 

 

 

 

 

Texto: Juan Migueles

Actualizado: 21-05-2017

 

BIBLIOGRAFÍA

 

Seren Nº0-A Sociedade Atlética Redondela (S.A.R). Miguel López Docampo.

 

Antonio Ocampo Otero. Doctor en Medicina y Cirugía. Bodas de Oro(1939-1989)

 

Caderniños do Instituto de Chapela. Nº3. O deporte no sur da provincia de Pontevedra.

 

Coordenador: X.M.González Fdez.

 

Redondela, crónica dun tempo pasado. A Segunda República e o primeiro franquismo. Gonzalo Amoedo e Roberto Gil. Edicións do Castro 2002.

 

El Mundo Deportivo (dende 1906)

 

www.elmundodeportivo.es/hemeroteca

 

La Vanguardia (dende 1881)

 

www.lavanguardia.es/hemeroteca

 

Faro de Vigo

 

ABC

 

http://www.abc.es/hemeroteca

 

http://www.csbg.net/

 

En Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es => El Pueblo Gallego, La Hoja Oficial del Lunes, La Noche, El País, Ciudad, Sábado, El Diario de Pontevedra

 

No Ministerio de Cultura http://prensahistorica.mcu.es => Imperio Diario de Zamora de Falange Española de las J.O.N.S, Diario de la Exposición Suplemento de Imperio dedicado a la Exposición Provincial para el Campo

 

Aportacións: José Blanco “Bullo”, Pablo Muíños, Carlos Muíños “Charly”

 

Escribir comentario

Comentarios: 0